გ ა ნ კ ა რ გ უ ლ ე ბ ა  

ქ. ბათუმში, ჟიული შარტავას ქუჩაზე მდებარე „გმირთა ხეივანში“
 ავღანეთის ომში (1979-1989 წწ.) დაღუპულ ქართველ მეომართა ხსოვნის უკვდავსაყოფად მემორიალის (ობელისკის) განთავსების შესახებ

„კულტურის შესახებ“ საქართველოს კანონის მე-19 მუხლის პირველი პუნქტის „ა“ ქვეპუნქტისა და „მონუმენტური სახვითი ხელოვნების ძეგლის (ქანდაკების), ობელისკის, მემორიალური დაფისა და სხვა მემორიალური ობიექტის განთავსების წესის დამტკიცების შესახებ“ თვითმმართველი ქალაქის - ბათუმის საკრებულოს 2007 წლის 26 აპრილის №5-7 დადგენილებით დამტკიცებული წესის მე-7 მუხლის  პირველი  პუნქტის შესაბამისად, ქალაქ ბათუმის მუნიციპალიტეტის საკრებულომ გ ა დ ა წ ყ ვ ი ტ ა :
1. ქალაქ ბათუმში, ჟიული შარტავას ქუჩაზე მდებარე „გმირთა ხეივანში“ განთავსდეს ავღანეთის ომში (1979-1989 წწ.) დაღუპულ ქართველ მეომართა მემორიალი (ობელისკი).
2. ქალაქ ბათუმის მუნიციპალიტეტის მერიამ (გიორგი ერმაკოვი) განკარგულების შესრულების მიზნით განახორციელოს შესაბამისი ორგანიზაციულ-სამართლებრივი ღონისძიებები.
3. განკარგულება ძალაშია ხელმოწერისთანავე.

საკრებულოს თავმჯდომარე                                                                            ირაკლი ჭეიშვილი